CARE 14期: 護「事」 話你知 – 醉好準備

CARE 雙月刊

妙妙準備下月做一個需要麻醉的換膝蓋手術,很是擔心。這天她來到術前麻醉評估門診,準備見麻醉科醫生。

妙: 護士,我收到電話約我今早十時來見醫生。今日來做甚麼事呀?我不是下月才做手術嗎?

護: 哦,今日是見麻醉科醫生。你的手術是需要麻醉的,手術前麻醉科的醫生想評估你的身體狀況,包括麻醉風險,講解吓適用的麻醉方式。我哋仲會給你一些手術前預備的指引,講解入院及手術流程。一陣仲有一個術前講座聽同埋可以參觀手術室㗎。

妙: 乜咁麻煩呀,人地以前唔係入院搞晒嘅咩?

護: 早些預備是較好的。如果病人有一些潛在風險,例如呼吸的問題,等到手術前一日才知道的話,可能來不及轉介,而要延遲手術。但若早一點知道問題,評估了風險及有相應的處理,手術就可以順利了。你給麻醉醫生評估咗先喇。

妙妙見完醫生後

護: 妙妙,術前的禁食指示你都清楚了嗎?

妙: 明白晒喇。仲有一樣嘢呀,多謝你哋預早約我嚟,比我知道我血壓有偏高的問題,等我去處理好呢樣嘢,安全啲咁做手術。

護: 唔洗客氣。依家有個術前講座開始咗喇,你可以聽埋先走。內容有術前及入院預備,麻醉介紹,最後仲可以參觀手術室嘅接待處同復甦房。

妙妙參加完講座

妙: 聽完晒你嘅講解,我放心晒喇。本來真係好驚,我成世人都未住過醫院。依家明白咗好多,入到醫院都唔好似個大鄉里咁,更加唔怕擔誤咗手術。

護: 咁就好喇,祝你手術順利!

文: cassie

下載 CARE 14期

CARE 雙月刊
CARE 14期: 主席感言

香港基督徒護士團契 (HKNCF) 踏入花甲之年,一個值得記念及感恩的一年,原本計劃舉辦感恩晚宴,一 …

CARE 雙月刊
CARE 14期: 香港基督徒護士團契60周年誌慶

沒想到百科網站對白衣天使有這樣的描述:穿白大褂的護士,他們純潔、善良、富有愛心;救死扶傷,童叟無欺。 …

CARE 雙月刊
CARE 14期: 面對時代的挑戰……聖靈的同在

最近靈修的時候,神不斷地把「聖靈」這兩個字印在我的腦海裏,重複又重複!我清楚聆聽到一個發人深省的重要 …